Maasa God Help!
By J. S. Ramkissoon



Ina mi distress, a bawl an call upon yuh name
But fi di ansa, in vain a seem to wait
A crying to yuh Lawd, look dung pon mi yuh chile
an help mi fi si, what a not doing right

A know sey yuh wi ansa mi when mi call
But it tek fi eva sometimes mi afi bawl
A know dat a sound ungrateful Lawd
But a growing weary an a don't want to miss you call

From mi eye deh a mi knee
A hear mi granny a plead
Dem always sey tings wi get better
But til dis day, not one can help di odder

Forgive mi if mi pass mi place
But how much longer a mus wait?
A need to understand
When yuh gwine reveal yuh plan?

All dem time a beg an a bawl
A beg yuh to ansa mi now Lawd
Show mi what a mus do, A beg an a plea
Show mi di way, remove di forrest dat surround me

Help mi to break dis chain
dis inherited, recycled generation game
'Better mus come one day'! a need a new song fi mi off-spring
Lord, Please give mi a new song to sing

Maasa God, a beg yuh............PLEASE HELP Mi!!!!


Copyright 2006 Janice. S. Ramkissoon